Twieë boetsjinge mit vrachwages op A67 bie Vinlo
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 21 september 2022 - Oppe A67 bie Vinlo zeen edeesdig twieë aafzunjerlike óngelökke veurgevalle wobie vrachwages betroch wore. Bie eint daovan is 'ne miens zwaorverlets wore.
Deesdigtemiddig waas 't ieëste óngelök inne vorm van 'n kop-stertboetsjing. Daobie is zeker eine persoean verlets wore, mer of mieë gewónje zeen is ónbekandj. De verletsdje miens woort gespojen euvergebrach nao 't krankegestich. M'n haw daoveur 'nen traumahelikopter opgerope, meh dae kaam neet aan oppe plaats. Euveren toestandj vanne verletsdjen is nieks nao boete gebrach. Bie de kop-stertboetsjing haet d'n achterligkendje vrachwage zich väöl sjaaj opgedaon. Ouch 'ne persoeanswage zów betroch zeen bie 't óngelök. Óm 't óngelök waerdje de waeg richting 't Pruses toegemaak, wodoor 'n fiel óntstóng.
Es e gevolg vanne fiel óntstóng deesdigtenaovendj oppernuuj 'n óngelök. Ouch hiebie wore twieë vrachwages betroch die opein boetsdje. Wie 't liek is bie det óngelök geine verlets wore. Ouch dit óngelök waas inne vorm van 'n kop-stertboetsjing. Óm 't óngelök óntstóng 'n nag grótter fiel inne richting van 't Pruses. Hieveur mós m'n 't verkieër ómleien euvere vlöchstriep.
Brónne[bewirk | brón bewèrke]
- Filerijdende vrachtwagens A67 botsen op elkaar. Christa Koeyvoets - 1Limburg, 20 september 2022
- Zwaargewonde bij botsing tussen vrachtwagens op A67. Christa Koeyvoets - 1Limburg, 20 september 2022
Dit artikel besleit aad nuujs en maak deil oet van oos arsjief van nuujsberichte.