Tuperendje buim Kapellerlaan Remunj verzwinje

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De Kapellerlaan (1915-1918).

MOFERT - 5 april 2019 - Mitte nuuj inrichting vanne Kapellerlaan in Remunj gaon de karakteristieke pletane die dao al saer miensónthaad staon verzwinje. 't Gemèndjelik besloet ligk hieël geveulig bieje beweuners vanne straot. De hujige buim staon dao noe veur twintjig jaor, mer ieëre stóngen ummer buim vanne zelvendje saort dao. De gemèndje wiltj 't fietsjepaad gaon verbreien en daoveur staon de buim inne waeg.

Veure beweuners tegemood te kómme haet de gemèndje nag 'n euverlag geplieëg mit häör. De gemèndje kós mer ein alternatief aanbeje wobie de buim gónge blieve staon en det waas door 't fietsjepaad neet vrie te laote ligke, meh dore fietsjers oppe baan te laote gaon. Ouch det woort aafgekeurdj bieje beweuners, wodoor me haet beslaote den toch de buim te doon kappe.

Noe nag staon zoea 120 buim dao, mer in 't nuuj óntwerp kómme dao zoea 70 nuuj veur inne plaats. Dees buim waeren angessäörtig, zoeadet me minder las krieg van blajer, esouch de wreut die 't fietsjepaad ummer ómhoeag dieëje laote kómme. Wiejer zal me nag twieë zich- en raspuntje gaon boewe: ei bieje kepèl en 't angert bie 't herdinkingsmonumènt vannen Twieëdje Werreldkrieg.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.