Truukloup Poolse arbeidsmigrante vergruuët tekórt personeel
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Venlo - 't Aantal arbeidsmigrante oet Oeës-Europa nump de kómmende jaore waarschienlik geleidelik aaf.
Det beteikent det d'r nog mier drök kump op de noow al krappe Nederlandse arbeidsmert, zaet 't ikkenomisch bureau van ABN AMRO in 'n niej rapport.
Noow de ikkenomie in Oeës-Europa hel greujt en de werkloosheid dao lieëger leet as 't Europees gemiddelde, zien de arbeidskrachte nuuëdig in eige land. Veur Poolse, Tsjechische of Bulgaarse arbeidskrachte guf 't steids minder raejene um nao Nederland te kómme.
In Nederland zoel dit veur probleme kinne zörge, umdet d'r in sommige branches noow al sprake is van 'n groeët tekórt aan personeel. In 't transport en de logistiek allein geit 't um bekans 53.000 luuj. Ouk in de landbouw, de industrie en d'n bouw werke vuuël Oeës-Europeane. Bedrieve in dees branches zölle alternatieve mótte vinde.
Veural in Naord-Limburg geit dit veur probleme zörge. Heej woeëne rilletief vuuël Pole die werke in ónder mier de landbouw, 't transport en de logistiek. Besteursveurzitter Frank van Gool van oetzendbureau OTTO Work Force oet Venraoj goof ierder dit jaor al aan det d'r charmeoffensef nuuëdig is um in de toekóms genóg arbeidsmigrante nao Nederland te haole. "Zoeën charmeoffensief is wiechtig, want weej hebbe de arbeidsmigrante hard nuuëdig."
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.