Treinsreizigers erkènne perbleme oppe kaart gezatj door masjiniste Maaslien
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 20 september 2018 - De masjiniste vanne Maaslien, 'n kóncesje van 't verveursbedrief Arriva, höbben 'ne brandjbreef gesjreven ane direksje. Hie-in beklaag me zich euver voeligheid enne drökdje inne treins. Deze breef wuuertj óngersjreve dore treinsreizigers van daen lien.
De luuj erkènne neet zozieër det de treins oppe lien zoea smótsig zeen, meh waal det de drökdje ónacceptabel is. Veural róntjelómme spitstied is 't zoea det me nag waal e plaetske vindj wen me-n ane beginstaasje in Nimwaegen insteeg, meh wen me-n in Kuuk wiltj instege, zal me mótte staon. Ómmezang guldj 'tzelvendje; instegen in Vinlo geit nag, mer instege bie Boksmaer wuuertj al sónger 'n zitplaats.
Wen 'nen trein oetviltj wuuertj det wiejer gaar neet opgevange door extra treins of treinsstèller in te zètte. 't Gevolg hievan is det de zowiezoea al euvervol treins nag volder gaon zitte. De klantj betaaltj graof geldj veur e kaertjen en krieg dao nieks veur trögk es richtig vieëverveur.
Veural ajer passenzjeers beklage zich euvere slechte toegenkelikheid vanne sjiethokker oppe treins. Wen me-n 'n zwake blaos of prostaot haet den is 'n oer wachten 'ne langen tied veure óntlasting op te haje. Me kan renne veuren aangekoppeldjen trein innen haop det dao zich waal e sjiethok bevindj, meh det hoof neet extra.
De masjiniste kloge zelf ol euvere sjiethokker oppe treins. Dees zówwe mit naam hieël vittig zeen en geregeldj kepót, wodoor die boete bedrief waere gestaldj. Dit haet te gevolg det de luuj döks 'n heuksken innen trein opzeuke veur dao häör beheufdjes te doon. 'nen Trein vörmp zich daobie óm toet e riejendj sjiethok.
De argernisse die hie-euver óntstaon leie toet väöl kónflikte wodoor zoea-gezag de veiligheid op 't spaor in 't gedrang kump.
Arriva haet aangegaeven oppe huuegdje te zeen vanne brandjbreef. Veure res is 't aldus häör 'nen interne zaak en kump de veiligheid neet in gevaor. Daomit is veur häör de zaak aaf. 'n Inheljelike reaksje blief oet.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.