Tom Dumoulin wint ierste etappe Giro d'Italia
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
.jpg)
4 mei 2018 - Tom Dumoulin haet de ierste etappe van de Giro d'Italia gewonne, woemit hae ouch d'n ierste draeger is van de raos vereus dit jaor. De Nederlandjse fitserenner won 'nen tiedrit van 9,7 km door Jeruzalem. Hae reej d'n tiedrit in 12 menuut en 2 sekond, twie sekond sneller as de Australiër Rohan Dennis en de Belg Victor Campenaerts. Chris Froome, Dumoulin ziene groetste concurrent veur de ènjzaege, kwaam al veur de wèdsjtried te val. Tiedes de verkènning van 't parkoer leep hae 'n aantal sjaafwunj op. Ouch hiedoor had hae tiedes d'n tiedrit e versjil van 37 sekond op Dumoulin en èndigde hae op de 21 plaats.
d'n Tiedrit had 'n hiel technisch parkoer. Volges Dumloulin waas 't "eigelik de gansen tied vol gaas, hersjtèlle en dan weer vol gaas." Hae zag ouch det 't ederen daag verdeidige van de raos vereus neet e doel is. Mit dees euverwinning aeveneerde Dumoulin 't rekaor van Jean-Paul van Poppel as Nederlenjer mit de meiste euverwinninge in de Giro d'Italia, bei die höbbe noe veer zaeges behaold.
De Giro sjtart dit jaor mit drie etappes in Israël, woevan de ierste vandaag waerde verreje. Morge sjteit 'ne vlake rit van 167 km van Haifa nao Tel Aviv op 't pergram. Zóndig weurt d'r ouch nog in Israël gereje; daonao zölle de renners nao Italië trèkke veur de runj dao wiejer door te vare.
Brónne
[bewirk | brón bewèrke]- Titelhouder Dumoulin eerste drager roze trui na winst tijdrit. NOS Nieuws, 4 mei 2018
- Dumoulin: 'Deze zege is alles wat ik maar kon wensen'. NU.nl, 4 mei 2018
Dit artikel besleit aad nuujs en maak deil oet van oos arsjief van nuujsberichte.