Toenaam exotische insekten in Limbörg

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


de tiegermögk
de Afrikaanse mot

MOFERT - 9 augustus 2019 - Hoeglieërer Rob Leuven vanne Kattelieke Universiteit Radboud haet gestaldj det de kóms van exotische insekten allein meh zal gaon toenumme. De raeje waat t'r hieveur guuef is de globalisering en 't toenumme van internasjenalen hanjel. Väöl exotische bieëster kómme nao Limbörg dore sierteeltj en potplantje. 't Opwerme van 't klimaat zörg boetedet t'rveur det de bieëster zich hie ummertoe mieër heim veule.

De óntdèkking vanne Afrikaanse mot is de raeje van dees opmirking. Op roeazen oet Kenia koom dit bieës hie terech. 't Is hieël sjajelik veure paprikahaof. Ieëre gaaf me al aan det saorte wie de tiegermögk, de buxusmot enne plaogaomezeik hie zeen kómme, meh die zeen juus 't tuupke vannen iesberg. Gans biejein zeen in Europa zoea 12.000 toet 13.000 insekte, sjummele, bieëster en plantje terechkómme die hie van oear oet neet heim haje; hievan zörg ei oppe tieën veur euverlas of sjaaj.

Väöl vanne saorte kómmen oet (sub)troeapische lenjer. Noe laeve die nag veural in kasse, meh dore klimaatopwerming kónne zie ol langer boete de kas euverlaeve. E doomscenario is neet drek 't val; op korten termien kónne de meiste saorten hie tonneet euverlaeve, mer oppe langeren termien geit det waal mesjiens meugelik waere.

Veur te verkómme det de exotische bieëster hie zich gaon vestige mót me baeter kónterleren oppen inveur van plantje. Noe duit me det allein meh bie e klei deil vanne roeazen en anger sierplantje. 't Bèste is det alle produkten al waere kónterleerdj in 't aafkumstig landj, meh det beurtj noe praktisch neet.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.