Thijs H. al in vezeer pliesse veure mäörd beurdje

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 25 mei 2019 - De perbleme van Thijs H. dae drie mäörd haet geplieëg woren al bekandj bieje pliesse naodet de Mondriaan-kliniek in Mestreech, wo d'r vriewillig in behanjeling woor, dao meljing haw gedaon. Dees meljing kwaam oet van verdachte gedragingen en ómstenjigheje naodet t'r kort eweg waas gewaes. Daorop besloot de kliniek 't beroepsgeheim op te luften enne pliesse get te laote weite.

Thijs H. zaat saer maondig 6 mei in 'n geslaote aafdeiling vanne Mestreechter kliniek. 't Stóng 'm aevel vrie eweg te gaon, went hae waas neet gedwóngen opgenómme. Wie d'r smiddis trögkkoom, waas t'r al drek verdach door vraem ómstenjigheje. Me dach drek det t'r betróch waas bie e staekincidènt oppe Broensemerhei. Zoea haw d'r blood oppe kleier, dewiel det waat dao waas passeerdj breid in 't nuuts stóng.

Bie 't gebeure wós 't personeel aanvenkelik neet tegooj waat zie móste, went zie zeen gebónjen aan 't medisch beroepsgeheim. Wie Thijs H. oetèntelik sgoonsdigs oppernuuj vertróch maakdje zie aaf mit det beroepsgeheim en waardje zie tródsdet de pliesse. Daonao kwaam Thijs H. al snel in bildj es de verdachte vanne staekpartiejen oppe Broensemerhei en in D'n Haag.

Brónne[bewirk | brón bewèrke]