Teentalle luuj doedgebleve bie aanvalle van jihadiste in Mozambique

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De provincie Cabo Delgado: de gries gebede zeen in henj van IS, de roej vanne lanjelike regering.
Dit artikel sjteit gesjreve in 't AGL.

Teentalle luuj in 't Noord-Mozambikaanse Palma zeen doedgebleve wie jihadiste de sjtad innome. Hónderde terroriste vele Palma aan en richde zich op banke, winkels en militair barakke.

Door 't geweld koom 'ne groete vlöchtelingesjtroum op gank. Daobie kome ónger anger zeve luuj óm 't laeve die e hotel probeerde te óntvlöchte. 't Geit óm boetelenjers die inne gaasindustrie wèrkde, wat in die ómgaeving 'ne wichtige bedriefstak is.

Ouggetuge berichde euver e sjtrandj det bezejd waor mit geköpde lichame.

'ne Terreurgroep gelink aan IS haet de aanvalle opge-eis en zaet dat e de ganse sjtad haet ingenome. Volges IS zeen daobie zeker 55 luuj doedgebleve.

Inne noordelike kösprovincie Cabo Delgado vörme moslims de mierderheid vanne bevolking. Saer 2017 haet de regio te make mit jihadistisch geweld, woebie in totaal zikker 2.500 luuj zeen doedgebleve en 700.000 luuj oppe vlöch zeen gesjlage.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.