Teentalle demonstrante doedgemaak in Kazachstan
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
_(cropped_3).jpg)
- Dit artikel is gesjreve in 't AGL.
Bie groetsjalige proteste inne sjtad Almaty zien zeker 26 demonstrante en 18 agente óm 't laeve gekómme. Ouch zien doezende arrestaties verrich.
De aksieveurders, die dore euverheid 'terroriste' en 'extremiste' weure geneump, probeerde euverheidsgeboewe binne te gaon. Dao woorte ze dore pelissie ónger vuur genómme en 'geëlimineerd', zaet 'ne pelissiewaordveurder.
Mie es doezend luuj zien de aafgeloupe daag in Kazachstan gewóndj geraak, woe-ónger 748 agente. In Almaty, de groetste sjtad van 't landj, ginge doezende luuj de sjtraot op. Mierder geboewe vloge in brandj en winkels woorte geplunderd. Ouch zouwe militaire oppe voes zien gegange mit demonstrante. In 't ganse landj is 't internet aafgesjlaote gewaore. Banke zien oet veurzörg gesjlaote gewaore.
Aanleijing vanne proteste waor de verdöbbeling vanne gaaspries, die inmiddels weer ingetrokke is. Presidentj Kassym-Jomart Tokajev kóndigde de noedtoesjtand aaf en sjakelde hölp in van Róslandj en zien bóndjgenote.
'n Deperligkende oerzaak vanne demonstraties is de ónvraej mit de autoritair meneer woe-op de regering 't landj besjtuurt. Volges Tokajev is de orde in Kazachstan weer hersjteld, mer ómdet 't internet is aafgesjlaote, is nuujs oet en euver dit landj lestig te verifiëre.
Brónne[bewirk | brón bewèrke]
- Kazachse president: orde hersteld, leger mag zonder waarschuwing schieten. NOS, 7 jannewarie 2022
- Russia-led troops arrive in Kazakhstan amid renewed violence. Al Jazeera, 6 jannewarie 2022
- Tientallen demonstranten doodgeschoten in Kazachstan. RTL Nieuws, 6 jannewarie 2022
Dit artikel besleit aad nuujs en maak deil oet van oos arsjief van nuujsberichte.