Taenge de driehóngerd doeaje bie gevechte Libië

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Oetzich euver Tripoli.

MOFERT - 30 april 2019 - Inne Libische houfstad Tripoli geit 't door mitte gevechte tössen 't Libisch Nasjenaal Leger ónger leijing van zjinneraal Chalifa Haftar ennen ieëste minister Fayez al-Sarradzj. Haftar haet mit zie leger twieëderdje van 't landj ónger kóntraol. Saer inkel waeke perbeertj t'r ouch de houfstad in te numme, wo d'r 'nen aanval veur is begós. Haftar wuuertj óngerstiep door Egipdje, Róslandj enne Vereinigdje Arabische Emiraote.

d'n Aafgeloupe waek malj de Werreldgezóndjheidsorganisaasje det saere begin vannen aanval, veur drie waeke trögk, al zeker 278 doeaje zeen gevallen en mieër es 1.300 luuj zeen verlets wore. Mieër es 30.000 inweuners van Tripoli mósten häör weuning al óntvlöchte. Ouch veure hölpverlieëners wuuertj 't val ummertoe gevieërlik. 't Hoeagkómmiseraat vanne Vlöchtelinge (UNHCR) evacueerdje d'n aafgeloupe goonsdig mieër es 300 vlöchtelingen oet 'ne kamp bieje houfstad.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.