Törkse president Erdogan duit aangifte taege Wilders

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Geert Wilders

Venlo, 27 oktoeëber 2020 - D'n Törkse president Erdogan haet via zienen advekaot Huseyin Aydin 'n klach ingedeend taege Geert Wilders van de PVV.

Wilders zoel mit de publicatie van 'ne spotprent van Erdogan 't Törkse staotshouf hebbe beleidig. D'n advekaot haet de aangifte ingedeend beej d'n offeseer van justitie in Ankara, melde verscheie Törkse media.

Fascis
Wilders deilde neet zoeë lank geleje 'n spotprent van Erdogan op Twitter. D'n Törkse president steit dao aafgebeeld mit 'n bóm op ziene kop. "Terroris", schrief de PVV-leijer in 't Twitterberich. Erdogan had dao al giftig op gereageerd. Hae neumde Wilders volges 't persbureau 'ne "fascis".

Loser
De PVV-leijer reageerde op zien beurt weer via Twitter. "Erdogan neump mich 'ne fascis. Maar det is zien gedachtegood. Ik kom op veur ós vreejheid en verzet mich juus taege de ónvreejheid van de totalitair islamistische ideologie", schreef Wilders, dae d'r ouk veur pleitde Törkieje oet de NAVO te goeëje.

Geert Wilders vind 't "de waereld op ziene kop" det d'n Törkse president Recep Tayyip Erdogan aangifte taege 'm haet gedaon waeges beleidiging. "Dus de man dae mich 'n fascis neump en ierder gans Nederland fascistisch en 'n euverbliefsel van 't nazisme neumde, geit noow aangifte taege mich doon? De waereld op ziene kop. Loser!", aldus Wilders.

Record strafrechtelike ónderzeuke
't Beleidige van de president is al saer 1926 strafbaar in Törkieje, maar de meiste klachte zien de aafgeloupe zes jaore ónder Erdogan ingedeend. Volges Törkse media waas vurrig jaor 'n recordjaor mit 36.000 strafrechtelike ónderzeuke nao vermeende beleidiginge van 't staotshouf. De maximaal straf waeges dit delik is veer jaor.

Brónne[bewirk | brón bewèrke]



Dit artikel besleit aad nuujs.