Tóp tösje Kim Jong-un en Donald Trump in Singapore: rizzeltate
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
12 juni 2018 - De aafgeloupe nach höbbe d'n Amerikaanse prizzedènt Donald Trump en de Naord-Koreaanse leijer Kim Jong-un hun getroffe in 't Capella-hotel in Sentosa (Singapore) veur de langverwachten historischen tóp. Dezen is esnog doorgegange, naodet 't ierder nog d'rop leek det dit neet mier zouw gebeure. 't Liek d'rop det 't treffe tösje de bei leijers in 'ne vrundjsjappelike sfeer is verloupe; ze gove zich veur de camera 'n handj. E dergelik rechstreeks treffe tösje 'ne leijer van de VS en van Naord-Korea is nog noets ierder veurgekómme.
d'n Tóp doerde óngevier drie vedeloor. Kim en Trump höbbe gezamelik 'n oetgebreide verklaoring óngerteikend, woerin Naord-Korea ónger angere volsjtendige denuclearisatie belaof, wat de belangriekste eisj waas van de VS. Ouch 'n teslocatie veur kaerwaopes zal waere óntmanteld. In ruul daoveur krieg Naord-Korea veiligheidsgaranties en zal de militair aanwaezigheid van de VS in de regio waere trökgesjroef. Ouch anger zake wie minsjerechte zeen aan de orde gekómme.
d'n Amerikaanse prizzedènt haet nao aafloup van d'n tóp zelf 'n preskónferensie gegaeve, woerin hae ónger mier zaet det de VS "klaor is óm e nuuj huidsjtök te beginne" woe 't geit óm de betrèkkinge tösje de bei lenj. d'n Amerikaanse prizzedènt zaet ouch det hae van plan is óm de Amerikaanse sakkerdaote die nog in Zuud-Korea zeen gesjtasjóngeerd op termien trök te trèkke. Ouch zal 'n ènj kómme aan de gezamelike militair ubinge van de VS en Zuud-Korea, aldus Trump. Tegeliekertied zag Trump det de loupende sancties taege Naord-Korea veurluipig gewuun van krach blieve, mer mit de nuancering: "Ich kiek d'rnao oet óm ze op te höffe".
Brónne
[bewirk | brón bewèrke]- Amerikaanse politiek niet enthousiast over top met Kim. NOS Nieuws, 12 juni 2018
- Trump wil 'war games' stoppen, maar sancties tegen Noord-Korea blijven nog. NOS Nieuws, 12 juni 2018
- Trump: klaar voor nieuw hoofdstuk in banden met Noord-Korea. NOS Nieuws, 12 juni 2018
- De topontmoeting tussen Kim en Trump in één video. NOS Nieuws, 12 juni 2018
- Intentieverklaring Kim en Trump: denuclearisatie en veiligheidsgaranties. NOS Nieuws, 12 juni 2018
- Nieuwsoverzicht: Nu al deal? Donald Trump schudt de hand van Kim: 'Het gaat lukken'. quotenet.nl, 12 juni 2018
- Trump-Kim summit: Watch live as Donald Trump vows to 'end war games' - latest news updates. Telegraph, 12 juni 2018
- Donald Trump and Kim Jong-un share historic handshake. Telegraph, 12 juni 2018
Dit artikel besleit aad nuujs en maak deil oet van oos arsjief van nuujsberichte.