Stumkoaliesjes neet van invlood op oetslaag LVK
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 jannewarie 2018 - De organisaasje van 't LVK stèltj det vermèndje stumkoaliesjes en "sms-bómme" neet van invlood zeen gewaes op 't verloup vanne finaal.
"V'r höbben op leedjes nivo alle stummen óngerzoch en geine haet dao e veurdeil bie gadj", verklaortj Ron Aspers taengeuver L1.
Bie 't LVK haet 't diverse jury's worónger ouch 't pebliek. Fans kónne via sms stumme. E besjeid mót drie stumcodes bevatte; anges is de stum óngeljig. De aafgeloupe waek ónsting kómmoosje ómdet diverse artieste zoeageneumdje stumkoaliesjes vörmdje. Drie artieste pakdje zich samen en repe daonao häören achterban op veur op häör leedjes te stumme. Daonaeve góng 't geröch det deilnummers zoeageneumdje "sms-bómme" inkochte: daobie wuuertj taenge betaling e groeat deil aan sms-berichte gesjik door 'ne computer.
De organisaasjes haet de deilnummers die äöpelik woorte betich vanne ónsportief hanjelswieze drek aangekaldj. Ze höbbe dao-op te huuere gekrege det häör leedjes ónger e vergroeatglaas zówwe ligke. Tródsdet aldusse organisaasje gei zichbaar veurdeil is gehaoldj euverwaeg de Stifting LVK óm 't stumregelement volgendj jaor aan te passe. Aspers: "V'r gaon de iddiesje binnekort evalueren es wen 't raejene guuef veur 't regelement te verangere den zólle v'r det zeker doon."
De wins van Spik & Span oet Zöstere is aldusse organisaasje zónger einigen twiefel terech.