Straof veur martelmoord Mestreechse loods get lieger
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Mestreech - De celstraof veur de moord op pelitie-infiltrant Guido Kosterman in Mestreech blijf gehandhaaf. Wel weurt de straof vaan 24 jaor get verkort nao 23 jaor en 3 maonde. Dat heet d'n Hoege Raod dinsdag geoordeild.
't Liechaam vaan de 25-jäörege daakloze Kosterman oet Wijk bij Duurstede woort in december 2012 gevoonde in 'ne verlaote loods in Mestreech naodat heer e paar daog vermis waor gewees. 't Stoffelek euversjoot waor verbrand en doanao verstoompeld in 'ne pöt. Oet oonderzeuk bliek tot Kosterman waor bezweke oonder martelinge, boenao d'n daoder heet geprobeerd 't liechaam te verbranne.
D'n imiddels 33-jäörege Alberto T. woort zoewel bij de rechbank as in hoeger beroop veroordeild tot 24 jaor cel. T. kaom in beeld, umtot heer in ierste instantie es vrund vaan 't slachoffer door de pelitie woort oondervraog. Bij de behandeling door de rechbank bleek tot Kosterman de pelitie in toesj veur geld tipde euver drugsdeals, wat meugelek de reie waor veur 't conflik.
T. heet alzeleve oontkind verantwoordelek te zien veur de marteling, 't in brand steke vaan 't liechaam en 't daonao dumpe in 'ne pöt. Nao 't hoeger beroop teikende heer dan ouch cassatie aon. Dat verzeuk is door d'n Hoege Raod aofgeweze gewaore, boedoor de veroordeiling blijf stoon.
Boe T. wel geliek in heet gekrege is tot de berechting in de zaak langer heet gedoord es redelek waor. Um die reie heet d'n Hoege Raod de straof mèt nege maonde gekort.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.