Staasje Remunj op oetbreijingslies
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 13 november 2019 - De spaorbehieërder enne NS höbbe veurgestaldj de staasje van Remunj oet te breie. Det steit in e dokkemènt det zie gaon veurlègken aan 't kabbenèt.
't Hanjeltj hie óm e dokkemènt mit tieëntaal aan investeringen aan 't spaor toetaan 2040. 't Is 'n reaksje op 'n aangekunjig investeringsvónjs van 't kabbenèt. Wiejer kump dit oet es e gevolg vanne perblieëme róndje stikstóf en 't feit det de treins ummertoe voller zitte. Hieveur wiltj me det mieë treins gaon varen en ouch de oetbreijing van e good deil treinsstaasjes wuuert gezeen es noeadzakelik. Hiebie waere de staasjes van Amersfoort, Leie, Nimwaeg en Remunj geneump.
Boete de oetbreijingen ane staasjes mótte de treinsverbinjinge richting 't wèste zón haaf oer sneller waeren enne stroumverzening aan 't spaor van 1.500 nao 3.000 volt, zoeadet mieë treins kónne varen en zoeadet de treins sneller kónnen optrèkke. Boeten 't persoeansverveur wuuert onnag investeerdj in 't geujerverveur.
Mitte investeringe wiltj m'n 't aopenbaar verveur nag aantrèkkeliker make. Me verwies al nao de doerzaamheid van 't verveur en 't ómzeile vanne fiel. Me verwach det 't aopenbaar verveur geit profitere van 't verlieëge vanne snelheid oppe snelwaeg van 130 of 120 nao 100 kilomaeter per oer.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.