Spasboer verluus in woufplan
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 5 oktoeaber 2018 - Innen te kómmen tied kriege boere die vieë haje veure spas en neet óm van te laeven 't lestiger wen häör bieëster waere gedoeadj door 'ne wouf, mer 'ne richtige boer krieg waal 'n gooj vergeujing. Dees bepaoling is gemaak gewaore bie 't Interpervinsjaal Woufplan vanne Nederlandjse pervinsjes. De pervinsjes wirken aan e gemeinsjappelik beleid veure wölf, went 't bieës tuuentj zich geregeldj en haet zich meugelikerwies al hie gevestig.
Es 'n klóch wölf zich veur vas haet geziedeldj in e gebied kriege perfesjeneel vieëheljers 'n vergeujing wen häör sjaop zeen gedoeadj gewaore wen zie kónnen aantuuene det die zat höbbe gedaon veure wölf taenge te haje. In zoea val zów 'ne spasboer nieks bekómme.
In Limbörg zeen dit jaor veur zowied bekandj is al twieë wölf gewaes. Det bleek ieëre oet 'n speciaal betrachting vanne Wageninger universiteit. Zoea verplaatsdje de wouvin Naya zich ane begin van jannewarie dore pervinsje nao 't Belsj. Dao bleef die hange bie 'n milletaer basis in Leopoldsbörg. Of die dao nag ummer hoes is ónbekandj.
d'n Angere wouf dae Limbörg haet bezóch waas e menken en is kort daorop doeadgevaren in 't Belsj Opotere. De jónge wouf beet tiejes zie verblief in Limbörg versjillige sjaop doead in Nuujbaerge, in Lóttem en in Baoksem.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.