Solar neump extra maotregele dore troeapische wurmdje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 3 augustus 2018 - De organisaasje van 't Solar Weekend Festival in Remunj haet extra maotregele getroffe dore hits.
Zoea wuuertj ónger angere gratis water oetgeeildj oppe kemping en kónne festivalgengers gratis zónnebrandjkraem kriege bieje infermaasjepuntjen op 't terrein langs de Maasplasse. Moog 't nag wermer waere, den geit de organisaasje water oetdeilen op mieë plaatsen oppe festivalgrunj.
Stónderdigs smiddigs óm 14:00 oere vónj e groeat waterpistoealegevech plaats. De festivalbezeukers kóste einanger den te lief gaon mit waterpistoeale.
Stónderdigs góng de kemping aop. De Solargengers höbbe zich ouch gewaopendj taenge de verzengendje hits. Zoea höbbe zie fieëstelte, keulbokse, wejjers en klein zwumbaedjes bie zich. Dees baedjes zeen neet allein veur 'ne verfrisjendjen duuk, mer ouch veure mitgenómmen drank kaad te haje.
Neet allein ane wurmdje wuuertj gedach. Dit jaor is ouch ane meugelike geluidseuverlas gedach. Speciaal deuk hange tösse de kemping enne weuningen oppe Weerd. Dees deuk mótte de eventuele geluidseuverlas taenge gaon. Buurtbeweuners klage namelik al jaorelang euver 't geluid.
Festivalgengers kónne dit jaor genete van optraejes van ónger angere Ronnie Flex, 2ManyDJs, Broederliefde en Kraantje Pappie. Aldusse organisaasje is 't festival bekans oetverkóch.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.