Slaagboum Vaosje blief toe veur stikstófnaome te haole
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 24 dieëtsember 2020 - De gemèndje Baekdalen haet egoonsdig aafgemaak det d'n ómstreje slaagboum dae eine vanne oetvalswaeg van Vaosje toehèltj ouch toe blief. Mit det besloet gaon de wèthajers waes taenge de gemèndjeraod in die nag 't lèste jaor vroge veur 'n ónthöffing vanne inwoonders van Vaosje. De äöpening vanne slaagboum zów aevel te groeate negatieve effekten höbben oppe netuur, bleek oet 'n extern óngerzeuk.
De slaagboum hingk euvere midde vanne Naanhaofswaeg, de zudeliksten oetvalswaeg van Vaosjen en is geplaats wore wie de Boeterink Parkstad vaerdig koom. De pervinsje zat toe daen vajer daoneer veur te veurkómme det m'n euvere stikstófnaomen haer koom in 't netuurgebied wo de Naanhaofswaeg en e deil vanne Boeterink ligke.
De inwoonders van Vaosje vroge veure ónthöffing det zie zelf de slaagboum kóste bedenen en gei sluupverkieër daovan gebroek kóste make, mer ouch det is neet goodgekandj dore gemèndje. De slaagboum kan namelik neet waere g'äöpendj sónger 'n vergónning oete Netuurbesjermingswèt, meh die vergónning krieg m'n allein wen det gei negatief effek oppe ómgaeving haet.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.