Sjuur in Kessel aopgebraoke veur huibrandj te blösse

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 12 junie 2020 - Oppe nach van dónderdig op vriedig mós de brandjwaer oettrèkke veur 'ne huibrandj in 'n loeads in Kessel. Deze brandj waas op 'n boerderie op Oeaje óntstange, kort nao 2:30 oere.

De brandjwaer wós te veurkómme det de brandj euversloog nao 'ne stal mit jóng stiere. Waal mós me d'n achterkantj vanne sjuur aopbraeke veure huibale te blösse. Me mós 't hui mit 'ne raadlajer oeten opslaag gehaoldj en in 'n wei daoneergelag veur te blösse. 't Naoblösse geit nannen tied ware.

Dinkelik is bieje brandj waal e deil asbes vriegekómme, meh de brandjwaer bestaetig det de verspreijing hievan neet wiejer reik es d'n eige gróndj vanne boerderie.

Bie 't vuur is geine verlets gewore. E deil landjboewveurtuger is waal besjadig gewore door ómgekiepdje huibale.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.