Sjrikkeldaag blief vraemdjen daag

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


"'t Is ömmer 'ne vraemdjen daag gewaes", zaet Ineke Strouken euver 29 fibberwarie. d'n Direktäör van 't Nederlandjs Centrum veur Culturieël Èrfgood krieg dezer daag väöl vraogen euver de sjrikkeldaag. "Wie: woor is daen daag de anger jaore eigelik? Dewiel tied gewuuen 'n aafspraok is tösje luuj. 't Is 'nen daag vannen ómgedrejdje werreld. Dinger kóste die anges neet kóste," zaet Strouken. Zoea waas 29 fibberwarie gelengen tied d'n ènsigsten daag worop vrówlje menskaerels t'n huwelik móchdje vraoge. "Weer vinje det noe vraemp, went maedjes dörve väöl mieë veur häör geveulens oet te kómme, meh toet 't begin vanne jaore sevetig kós det ech neet." Op 'ne sjrikkeldaag vinje mieër huwelike plaats es op anger daag. Det is get nuuds, zaet Strouken. "Saer 2000 zeen Hóllenjers ech op zeuk nao biezönjer data, det guuef get eiges aan häören troewdaag." De maondj fibberwarie is in 't algemein neet erg in trèk. Nag gein vief percent vanne huwelike wuuertj in fibberwarie geslaote. 't Nibud haet beraekendj det e gemiddeldj gezèn veertieën euro mieë kwiet is dórche sjrikkeldaag. E gezèn guuef 57 euro extra oet, vral aan boeadsjappe, dewiel d'n extraën daag 43 euro oplevertj, beveurbeildj ómdet 's 'nen daag graties gehuurdj wuuertj.



Dit artikel besleit aad nuujs.