Sjotse Universiteit van Strathclyde geuf 'res van 't VK' instruimgèld van £27.000

Veug links toe
Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

goonsdig, september 28, 2011

Trök nao de veurpagina
spelling: Hoeaglèmbörgsj - Durchzettingssp. - Internasjonalspelling

Studente van Ingelandj, Wales en Noeardj-Ierlandj zölle £9.000 per jaor mótte betalen óm lèsse te kinne volgen bie de Universiteit van Strathclyde in Glasgow, Sjotlandj. Dit gèldj vanaaf 2012. De universiteit zal de totale koste waal trögksjaere nao £27.000 veur 'n veerjäörige studie.

Studente die Sjotlandj wone betale gein toelaotingsgèldj veur Sjotse universiteite. Normaal gespraoke betale "rest of UK [RUK] students" (studente vanne rès van 't Vereinig Keuninkriek boete Sjotlandj) in Sjotlandj zoea £1.800 aan instruimgèldj óp dit memèntj.

Studenteleiders zagte det 't verhoeage van instruimgèldj óp 't hoeagste niveau meugelik bewees det de universiteit "puur door wins gemotiveerdj woort". Charandeep Singh, president vanne Universiteit van Strathclyde zien Studenteassociatie (USSA), zag: "[De leiders vanne] universiteit hadden 'n kans óm leidersjap te laote zeen door de impek van RUK[rès van 't VK]-gèljer te minimalisere, in taengedeil det ze det deje, koze ze veur 'n zoea hoeag meugelike betaling, óm te bewieze det ze instömme mit boetedrök en puur door wins gedreve zeen."

De Universiteit van Strathclyde zag det ze plandje óm 'ne beurs van £5.000.000 zówwen instèlle óm te zorge det studente financiële steun kriege indeen ze inne probleme loupe.

Robin Parker, president vanne Nationale Unie van Studente in Sjotlandj, zag: "De universiteit haet laote weite det 'n totaal budget veur beurze kump, mer weer mótte dringendj weite wetdet det beteikentj veur individueel studente en wieväöl van häör instruimgèldjinkómste nao 't óngerstäöne van de ermste studente geit. Es de regieëring dink euver zien reactie aan de consultatie van instruimgèljer veur studente vanne rès van 't VK, vraoge weer d'rveur óm 'ne minimumstanderd van beurze te maken óm transparantie en toegank toet Sjotse institute te garandere.

De toename in toelaotingsgèljer veur neet-Sjotte koom kórt nao de regieëring vanne VK de baovegrènsj van instruimgèljer van universiteiten in Ingelandj verhoeagdje toet £9.000 per jaor.

Jim McDonald, de "principal" vanne Strathclyde University, zag: "Es ze 'n universiteit keze, make studente ein vanne cruciaalste beslissinge van häör laeves. Hie in Strathclyde geluive v'r det alle studente die veurdeil kinne slaon oet hoeager óngerrich nao de universiteit zówwe mótte kinne gaon, óngeach häören achtergróndj. Vanwaege de nuuj fóndsregelinge, höbbe Sjotse universiteite gein achter keus es mieë instruimgèljer aan RUK-studente te vraoge."

Brónne[bewirk | brón bewèrke]




Dit artikel besleit aad nuujs en maak deil oet van oos arsjief van nuujsberichte.

Aafkómstig van "https://li.wikinews.org/w/index.php?title=Sjotse_Universiteit_van_Strathclyde_geuf_%27res_van_%27t_VK%27_instruimgèld_van_£27.000&oldid=5812"