Sjoealsjötter haw mieëdere waopes en richdje op lieërers

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 14 september 2018 - De zèstieënjäörige jóng dae sfriedigs smörges is aangehaje woren op 'n sjoeal in Remunj droog mieëdere waopes bie zich. Naeven 'nen aaks en e vuurwaope haw d'r waopes zitten in 'n tes.

Sfriedigs smörges woort de lieërling van 't Kènnis- en Expertiescentrum, 'n instituut veur speciaal óngerrich en zörg oppen Dónderberg, aangehaje.

De jóng steegdjen oet 'ne wage bieje sjoeal ane Kestieël Hillenraedtstraot, leep mit 't waopen ennen aaks de sjoeal in en richdje 't vuurwaope daorop op lieërers. Det vertalj 'ne getuug aldao. "Later kwaam d'r boetenoppes en leep op 'ne jóng aan mit waem d'r wäörd haw", zaet e maedje. "Toe begós t'r dao te sjeten en haet me de pliesse gebeldj."

Aldusse pliessen höbbe versjillige lieërers oppe verdachdjen ingekaldj. Die perbeerdje mit 'm in gespraek te blieve, toetdet de pliessen aankome. Det plan lökdje: inkel menuut nao de ieëste meljing woren agente te plaats en kós de jóng waeren aangehaje.

Intösse haet de sjoeal besjeid gebrach ane eljers worin wuuertj gemaldj det sfriedigs gein les mieë wuuertj vergaeve. Ouch is slechofferhölp ingezatj veur lieërlingen en eljers. Noe zaoterdig óm middig haet e beslaote biejeinkómme plaats wobie ouch de börgermeisterin Rianne Donders van Remunj is.

Brónne[bewirk | brón bewèrke]



Dit artikel besleit aad nuujs.