Sjoeal sjik autistisch maedjen eweg: persuuenlike vieëdje

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 9 mei 2018 - 't Rombouts College in Broensem haet 'n autistisch maedje (18) vanne sjoeal aaf gesjik, ómdet de sjoeal neet wètj wie zie mitte lieërling mót ómgaon.

't Maedje ligk zich aevel neet daobie neer, zoea sjrief De Limbörger. Ze blief "gewuuen" nao de lesse gaon. Via e kort gedink haop de sjoeal dem e sjoealverbód op te lègke.

't Rombouts College maak zich op veure exaamperiood en wiltj mitten oug op die finaal van 't sjoealjaor geinen ónras rónjelómme lieërlinge. Ze höbbe daoveur lever neet det 't maedje zich oppe sjoeal blief melje. Zelf zaet 't ouch rech te höbben op 't make van zien exame. "Ich höb neet vernieks zès jaor oppe sjoeal gezaete." Kómmendje goonsdig staon de partieje taengeneuverein inne rechbank.

De twieë kampe zówwen al zoea zès jaor mit einanger inne haore zitte. 't Stempel "autisme" woort neet tiejig gedrök, wodoor 't maedje in zien beginperiood oppe sjoeal veuralt es 'ne vervaelendje puber woort gezeen. De incidente stapeldje zich op. Versjillige instansjes, jeugzörg en zelfs de pliesse bemeuje zich mitte situaasje, mer 'n leuzing veure langen termien blief oet.

Ane begin van dit jaor is de maot vol gewaore veur 't Rombouts College. d'n Èntiger is nimmieë wilkóm inne klas. "V'r höbben hieël lang verzoch 'ne waeg te vinje, mer ómme gaementj hèltj 't op. V'r zeen neet opgewasse taenge dees perblieëmetiek. 't Greutj ós baove de kop", zaet de sjoealdirrektuuer Peter-Paul Truijen taenge de gezèt.

Simone Koelman, d'n advekaot van 't maedje, perbeertj 'n leuzing te zeuke. "'t Is ónvermeuge, geinen ónwil. 't Vertuuentj inderdaod opstenjig gedraag, mer is waal degelik krezjeerbaar. 't Blief daovan euvertuug det 't de sjoeal kan aafmake. Waat de sjoeal noe duit is 'm provocere door slech euver dem te kalle. Ze wuuertj op alderhenj aan menere zwartgemaak, wodoor 't ummertoe oppernuuj nao de sjoeal geit." Koelman dink det de sjoeal 'n persuuenlike vieëgdje oetvech mitte lieërling.



Dit artikel besleit aad nuujs.