Sjei oet mitte verkoup van Becel pro-activ

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Consumentjeorganisaasje Foodwatch wiltj det Becel pro-activ-margerien oete supermert gehaoldj wuuertj. De margerien veroearzaak muuegelik hert- en vaatgekrenkdjes volges Foodwatch. Aan Becel pro-activ zeen plantjesterole tougeveug. Dees stoffe bringen 't cholestrolgehaldje ómlieëg. Unilever zaet det plantjesterole ouch 't risico op hert- en vaatgekrenkdjes verkleine, meh volges Foodwatch guuef 't aanwiezinge det ze de sjâs op zölche gekrenkdjes juus vergroeate. Ónger weitesjappers is 't middel ómstreje. Foodwatch wiltj daoróm det de margerien op langentermienrisico's óngerzóch wuuerdj, wie ouch mit middesiener bäörtj.


De organisaasje haet ouch kritiek op 't gebroek van 't logo vanne Nederlandjse Hertstichting oppe verpakking van 't perduk. Unilever zaet in 'n reaksje op de website van Foodwatch det Becel pro-activ oetsloetendj is bedoeldj veur luuj die häör cholesterolgehaldje wille verlieëge. Veur luuj die gein verhoeagdje cholesterolwaerdj höbben enne margerien toch consumere, zeen 's gein gezóndjheidsrisico's, zaet 't concern. Foodwatch haet in Pruusjes 'n zaak aangespanne taengen Unilever. De Nederlandjse tagk vanne organisaasje zaet 't vonnis vanne Pruusje rèchter aaf te wachte, meh sluut ouch 'n rèchszaak taengen Unilever in Nederlandj neet oet.



Dit artikel besleit aad nuujs en maak deil oet van oos arsjief van nuujsberichte.