Sjaaj door storm Dudley
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 17 fibberwarie 2022 - Goonsdigtenaovendj en de nach t'rop koom de storm Dudley euver Limbörg haer. Deze lèdje toet sjaaj, wie ómgewejdje buim op hoezer en waeg, meh dao zeen gèn luuj verlets gebleve. Waal mós de brandjwaer, veural in Zuud-Limbörg oettrèkke.
De ieëste windjstoeate wore róndj 21:00 oere en gónge toet 90 kilomaeter de oer. In Kirkraoj waas sjaaj bie 'n boewmert, in Mergraote veel bao 'ne boum euvere N278 en in Maasbrieë veel bie de N277 'ne boum op 'n fietsjepaad. In Mestreech veel 'nen diekke boum op e studentenhoes. Daobie woorten 't daak enne daakgäöt zwaor besjadig. In Zitterd leep 't daak en 'n sjoew van zeker ein hoes sjaaj op door 't wejje van 'ne steiger. Wiejer wejdje 'ne boum 't spaor op tösse Landjgraaf en Kirkraoj, wodoor zeker toet 10:30 oere gèn treins varen op det baanstök. In Lottem mós de brandjwaer oettrèkke veur 'n fieëstent mit gerei d'rin veilig te zitte.
Wiewaal de windj gooddeils is gaon ligke, zal later vandaag en morge nag mieë euverlas kómme dore volgendje storm. Dae storm hètj Eunice en is nag e deil kreftiger wie de vurge.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.