Sanering miengeng Kirkraoj geit jaore ware
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 14 september 2022 - De tieëntaal aan aaj miengeng in Kirkraoj mótte saneerd waere veur te verkómme det zinkgater óntstaon. Van ach geng is de persieze plaatsing bekandj en 't sanere van die geit nag ach jaor ware. Óm ganse ligk mindestens neugenenvieftig geng óngere gróndj inne gemèndje die nag allemaol saneerd mótte. Veure sanering kriege alle gemèndjes inne mienstreek biejein 11 miljoen euro oet d'n Haag.
E deil geng is hóngerde jaoren aad en partekleer gemaak door luuj die zelf veur steinkaol zóchte. De baom is aevel neet euveral aeve stevig, wodoor reskaasjes óntstaon. Meis zeen de geng aevel neet aop óngere gróndj, óm de meiste geng zeen gevöldj mit puin en gróndj. 't Gevaor det de gróndj verzak besteit aevel nag ummer.
Det de sanering nuuedig is bleek veur twieë jaor haer, wie inne wiek Bleierhei de gróndj inne Franciscanerstraot verzakdje door 'ne miengank. Det gebeurdje wie m'n ane gank 'nt wirke waas en bleek det dae ónstevig woor. Me wiltj zón verzakkingen inne toekóms verkómme. Innen tössentied haet m'n al zeve gater toegemaak. De sanering geit aevel neet flot. De achste gank in Bleierhei woraan me noe wirk is zoea viefenvieftig maeter deep en daomit betrèkkelik klein. 't Werk aan deze gank geit nao verwachtig veer toet vief maondj doere.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.