SP kritisch uuever inrichting Romeins kerteer Heële

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Heële - d'r 13e december 2021, de SP i g'ne geminderoad van Heële is kritisch uuever concrete plane vuur de Romeinse geschjiechte in 't sjtroatbeeld van 't centrum mieë zichbaar te make.

De wiedoet groeëtste fraksie - mit 10 van de 37 zedele - sjprik waaliswaar van 'ne groeëte vuuroetgank ten opzichte van de situasie van de aafgelope decennia. Evvel toch zet ze vroagtekes bei ónger mieë geplaande amfitheater óp g'ne Roadhoesplei.

"Dilt ier de ópvatting dat e Amfitheater noeëts veerkant is? Woarum is dat op g'ne Roadhoesplei dan waal veerkant," aldus d'r Ron Meyer.

Óch wil d'r Meyer wete welke deskundige mit gesjiechtskennis uuever de Romeine betrokke is bei 't óntwerp van dit zoeëgeneumde Romeins Kerteer. En wat zie of höar advies woar uuever de Romeinse óngerdele en wat mit 't amfitheater is gebuëd.

D'r fraksievuurzitter Meyer informeert wieër of aafsjtemming hat plaatsjgevónge mit d'r arsjitek van 't nui Romeins museum De Termen en mit de internasjonaal bekinde oet Zitterd aafkómstige arsjitekte Francine Houben.

Zie óntworp in Heële 't nui sjtadskantoer "dat beeldbepalend sjoeën is," zoeë zeët d'r Meyer.

Houben zelf neumde d'r aafgelope zamsdig in De Limburger de vuurgesjtelde inrichting va g'ne Roadhoesplei i jieëker geval 'n belediging van de Romeine. "Dewiel die zoeë zörgvuldig mit hun publieke ruumde umgónge."

Doa-i zag ze óch dat zie tot höar verbazing neet um advies woar gevroag. Ze umsjrief dat es ónhendig, mar is waal bereid te kalle uuever d'r plaan.

De SP is doa vuur. Ee van de vroage loewt nemlig of 't gemindebesjtuur bereid is um de Francine Houben esnog noa höar ópvatting en advies te vroage.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.