SPD wintj Bondsdaagverkezinge
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
De SPD ónger leijing van Olaf Scholz wintj de Duutsje Bondsdaagverkezinge mit 25,7% van de sjtumme. De CDU/CSU haolt 't sjlechste landelike rizzeltaat oets mit 24,1% (in 2017 nog 32,9%) en geit op e historisch verlees aaf. B90/Die Grünen höbbe sjtumme gewónne (14,8%, +5,9%), aevel dutelik wieniger es verwach. De FDP greujt van 10,7 (2017) nao 11,5% (2021) en Die Linke haolt mit e verlees van 4,3% neet mie de keesdörpel van 5 zedele, meh kump esnog in d'n Bondsdaag. De AfD verleert ten opzichte vanne veurige verkezinge 2017 2,3% van de sjtumme en kump oet op 10,3%.
Es me de oetsjlaeg op regionaal niveau bekiek, dan vèlt op det de SPD väöl sjtumme haet gekraege van kezers oet 't noorde en 't midde van Pruses, dewiel de CDU veural aanhank haet in 't zude en 't weste van 't landj. Luuj die op de Greune höbbe gesjtump behure meistal tot de jonger generatie en woene inne groete sjtaej. De AfD blief de groetste partie innen deilsjtaot Sakse en haet noe ouch de meiste sjtumme inne naobersjtaot Thüringe. FDP-sjtummers woene veural inne Zuud-Duutsje deilsjtaot Baden-Württemberg, in deile van Sjleeswiek-Holsjtein en inne ómgaeving van Frankfurt am Main.
De verkezinge weure es historisch besjouwd, want zittend bondskanseleer Angela Merkel vanne CDU, die saer 2005 veer regeringe haet geleid, haet zich neet mie verkeesbaar gesjteld. Det beteikent det of Scholz of de nuje kandidaat vanne CDU, Armin Laschet, e nuuj kabinet geit vörme. 't Geuf waal 'n mierderheid veur e kabinet oet SPD en CDU (wat me große Koalition of Groko nump), mer dinkelik zal 't oet drie partieje besjtaon, aangezeen de linkervleugel vanne SPD lever neet mitte CDU wilt samewèrke. Scholz wilt inzette op de sjtopleechvariant mit de Greune en de liberaal FDP, mer ouch dees optie is neet populair.
Brónne
[bewirk | brón bewèrke]- Bundestagswahl. Rheinische Post, 27 september
- Nach der Bundestagswahl: Welche Koalitionen sind möglich? Tagesschau, wiezigingsdatum: 27 september, 04.54 oer
- SPD gewinnt vor Union, Linke unter fünf Prozent. Sueddeutsche Zeitung, wiezigingsdatum: 27 september 2021, 7.52 oer
Dit artikel besleit aad nuujs en maak deil oet van oos arsjief van nuujsberichte.