Romeins badhoes in Heële aodste gebouw va Nederland

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Heële - d'r 16e fibberwaar 2020, 't Romeins badhoes in 't Thermemuseum in Heële is 't aodste geboew va Nederland.

Dat blieket oet 'n dreijoarige sjtudie van dartig wetesjappesj oet ós lank, 't Belsj, Dütsjland en Frankriek. Bei dat óngerzeuk is neet alling gekieëke noa 't badhoes zelf, mar óch noa Romeinse vóndste oet de geëgend van 't geboew.

"Vier wete noe dat 't badhoes in Heële óngevier in 't joar 40 noa Christus is geboewd gewoare en neet in 125 noa Christus", zeët conservatorin Karen Jeneson van 't Thermemuseum. Zie houw al langer 't vermode dat 't badhoes aoder woar. "Noe kinne vier zage dat dit 't aodste geboew van Nederland is, want 't is gans oet sjtee geboewd gewaore".

Volges de Jeneson is dees vassjtelling van hieël groeët belank vuur wieër óngerzeuk noa d'r Romeinse tied. "Vier wete noe beivuurbild dat 't badhoes veer kier oetgebreid is gewoare. Dat betekent waarsjienlig dat de lokaal bevolking, döks geet 't um Germaanse sjtamme, de badhoezer zint goa gebroeke. Binne 'n periode van e joar of fieëtig of vieftig zint zie aan 't ritueel van Romeins bade geweend geraak."

't Geboew had oetintelig 'n façade van 48 meter breed en 8 bis 10 meter hoeëg. 't Woar e wichtig trefpunt vuur militaire en lüj oet de ganse regio. "Vier wete vöal van de Romeine hunne bluitied in ós kontreie, zoeë rónk de joare 100 bis 250. Dit hulp ós óch d'r begintied beëter te documentere", alzoeë Jeneson.

Brónne[bewirk | brón bewèrke]



Dit artikel besleit aad nuujs.