Rio de Janeiro boewtj moere róndj sloppewieke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
ANE BERG - 29 mieërt - De bestuurders van Rio de Janeiro gaon moere boewen róndjóm sloppewieke in de Brasiliaanse miljoenestad. D'n autoriteite zègke det de maotregel is bedoeldj óm de óngecontroleerdje grui vanne wieke te veurkómmen en óm 't milieu te besjerme.
Det haet 't hoof van 't bureau veur aopenbaar wèrke inne stad, Icaro Moreno, zaoterdig gezag taenge de Brasiliaanse nuujssite G1. Op 't plan is väöl kritiek. Sociaal organisaties stèlle det door de maotregel de taengestèlling tösse erm en riek in 't Zuud-Amerikaans landj nag mieë zal waere benaodrök.
De moere waere drie maeter hoeag. In d'n ieëste fase laote d'n autoriteite moere neerzètte róndjóm de sloppewieke Santa Marta en Botafogo. In november noom de politie bezèt van Santa Marta ómme drugshanjel en angere criminaliteit inne wiek ónger controle te kriege.
't Totaal projek veurzuut innen aanlag van betónne moere euver 'nen aafstandj van èlf kilomaeter. Daomit wille de autoriteite óngeveer twintjig sloppewieke aafsjerme.
Zuuch ouch
[brón bewèrke]
Dit artikel besleit aad nuujs en maak deil oet van oos arsjief van nuujsberichte.