Riek investeertj geldj in meugelike kóms Einstein-tilleskoeap

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 3 mei 2018 - 't Riek lègk 32 miljoen euro opperzie veur faciliteite van werreldformaot wobie d'n Einstein-tilleskoeap, dae meugelik in Limbörg kump, expliciet wuuertj geneump.

Det bliek oet 'ne kamerbreef van Ingrid van Engelshoven, ministerin van Óngerrich, Kultuur en Weitensjap.

"Aafhenkelik van veur welche faciliteit geit waere gekaoze kan 't bedraag waeren ingezatj veur 't make van 'nen aanvank mit planne veur 'n nuuj internasjenaal faciliteit in Nederlandj, wie d'n Einstein-tilleskoeap", sjrief Van Engelshoven. Ze guuef ouch naodrökkelik aan det 't toegezagdje geldj gein geransje bèdj det in dit val d'n Einstein-tilleskoeap nao Nederlandj kump.

Al jaor ligk 't plan veuren óngergrundjse maetstaasje det zwaordjegolfkrafte kan opspäöre te vestigen in 't Heuvellandj. Baomóngerzeuk haet al oetgeweze det de Limbörgse gróndj 't gesjikste is veur 't weitensjappelik instrumènt. Anger plaatse die ouch in aanmirking kómme zeen Sardienje enne regio rónjelóm Boeddapes. Róndj 2020 bestump 't Europees investeringsvónjs Esfri of d'n tilleskoeap nao 't grensgebied kump.

't Projèk is aevel neet gojekoup; 't zów zoea 1,1 miljaar gaon koste.



Dit artikel besleit aad nuujs.