Richter verbèdj ouch moeaterkliek Satudarah
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 18 junie 2018 - De moeaterkliek Satudarah wuuertj verbaojen en óntbónje.
Det haet de rechbank in D'n Haag bestump. 't Verbód geit drek in.
't Aopenbaar Ministerie (OM) haw in 'n civiel proceduur gevraog de kliek te verbejen en te óntbinje, ómdet 't aldus zjustiesje hanjeltj euver 'n krimineel organisaasje. De kliek hanjeltj in stried mitte aopenbaar orde en is óntwrichtendj veure samelaeving, betougdje zjustiesje. Ouch zów 'n subkultuur zeen óntwikkeldj worin gewaldj wuuertj verhieërlik.
De richter is 't daomit einverstenj. Ouch de chapters en supportkliekke vallen ónger 't verbód.
Satudarah is eine van oearsprónk Molókse moeaterkliek dae óngevieër hóngerdj aafdeilingen haet in binnen- en in boetelandj. In oos pervinsje haet de moeaterkliek veer chapters: in Gelaen, in Mestreech, in Haerlen en 't chapter South Clan in Midde-Limbörg.
De aafdeiling in Gelaen laag d'n aafgeloupen tied ónger 'ne loep door e groeat óngerzeuk vanne pliessen en zjustiesje nao krimineel aktiviteite vanne kliek.
Brón
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.