Remunj geit busstaasje opknappe

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 14 fibberwarie 2020 - De gemèndjeraod haet stónderdigs saoves aafgemaak det de busstaasje wuuert vernuudj. Hiebie wuuert ouch de capaciteit duchtig oetgebrèdj. Dees oetbreijing hèltj ónger angere in det inplaats de veer busperrons die 't noe haet dao neuge kómme. Dit guuef ruumdje veur internasjenaal busse. Ouch kump 'n nuuj wachruumdje en waere vervaerdiginge getróffe veure toekóms, zodet me den oppe staasje lektrikbusse kan oplaje.

Al gelangentied guuef 't kal in Remunj euvere vernujing vanne busstaasje. De aaj staasje is óngerkómmen en veur väöl Remunjenieëren 'nen daoren in 't oug. De staasje vèltj óngere groeate vernujing van 't staasjesgebied die allang is ingezatj wore. Zoea haet m'n ieëre al d'n ajen tunnel ónger henj genómme. Me wiltj onna later dit jaor kieke veur 'n nuuj bewaakdje fietsjestalling en of m'n 'ne vootgengerstunnel nao 't oeaste van 't spaor wiltj gaon aanlègke.

De wirkzaamheje vanne nuuj busstaasje vangen aan in april. De plenning is det me taengen inj van 't jaor vaerdig is daomit. Gans biejein waere de köste veure busstaasje beraamp op zoea drie miljoen euro.

Brónne[bewirk | brón bewèrke]



Dit artikel besleit aad nuujs.