Relle in 't Duutsje kaoledörp Lützerath
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel is gesjreve in 't AGL.
9 jannewarie 2023 - In 't Duutsje dörp Lützerath, hauverwaeges Remunj en Kölle, is 'n demonstratie van zó'n 2000 aksieveurders gisteraovend geëscaleerd. De demonstrante wille veurkómme det 't dörp óntruump waert veuren aanlèk van 'n kaolemien. Pelissie-agente woorte bekogeld mit sjtein en ouch woorte vernelinge aangerich. Einen demonstrant woort opgepak.
Ouch veurige waek op 2 en 3 jannewarie waor 't ónröstig. Demonstrante hadde doe alle toegankswaeg nao 't dörp gebarricadeerd en bie gevechte raakde inkel luuj gewóndj.
Lützerath waert al zeker twie jaor bezat door aktiviste. Vanne rechter maag de daagboewmien Garzweiler II oetgebreid waere. De pelisse maak vandaag bekindj wienie de óntruming geit beginne. 't Ministerie van Binnelandse Zake in Noordrien-Wesfale haet de óntruming van 't dörpke veure twiede waek van jannewarie gepland. Ze mót oeterlik begin fibberwarie zie aafgeróndj.
't Nieëkste protes vanne aksiegroop, woebie ouch Greenpeace, Campact en Fridays for Future betrókke zint, sjteit gepland veur aansjtaonde 14 jannewarie.
Brónne[bewirk | brón bewèrke]
- Aufruhr in Lützerath: ‘Ohne nachvollziehbaren Grund in Gewalttätigkeit umgeschlagen’. 24 Rhein - 9 jannewarie 2023
- Lützerath-Räumung in dieser Woche: ‘Du bist nicht allein’ – erste Aktivistin wird abgeführt. Rheinische Post - 3 jannewarie 2023
- Lützerath-Räumung in dieser Woche: Reul und Polizei blicken besorgt auf Einsatz und mögliche Folgen. Rheinische Post - 9 jannewarie 2023
- Prostest gegen Abbaggerung: Demo-Bündnis glaubt an Erhalt von Lützerath. Westdeutsche Zeitung - 6 jannewarie 2023
Dit artikel besleit aad nuujs en maak deil oet van oos arsjief van nuujsberichte.