Razzia in Pruses: 25 rechs-extremiste opgepak
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Duutsje autoriteite höbbe 25 luuj opgepak die ónger mie van plaan waore d'n Duutsje Rieksdaag te besjtörme. Ouch in 't Oesteriekse Kitzbühel en 't Itteljaanse Perugia zint luuj opgepak. 't Geit óm 24 Pruse en eine Rós. 22 vanne 25 luuj waere boetedet verdach van lidmaotsjap van 'n terroristische bewaeging. De anger drie verdachde waere verdach van 't óngersjteune van die bewaeging.
't Óngerzeuk richde zich op 52 verdachte, woevan ei parlementslid vanne AfD. D'n huidverdachde is de 71-jäörigen Heinrich XIII, Prins en lid van 't Hoes Reuß. De verdachde zouwe van plan zien gewaes óm 'ne coup te plege en daobie de hujige democratische rechssjtaot mit militair geweld aaf te sjaffe. Zie zouwe d'n aanval op 't parlement al saer november veurig jaor höbbe veurbereid.
De opgepakde luuj zint sympathisante van versjeie rechs-extreem ideologieë, woe-ónger de Reichsbürger. Reichsbürger is 'ne verzamelterm veur luuj die 't besjtaonsrech vanne bóndsrippebliek betwiste en in plaats daovan 't Duutsj Keizerriek erkènne, zoewie det in 1871 óntsjtóng. De bewaeging is inne tachetiger jaore óntsjtange, mer de lètste jaore hiel hel gegruid. In 2021 goof 't óngevier 21.000 sympathisante van die bewaeginge, woevan mie es 1.000 luuj potentieel gewelddadig zint en es extreem-rechs kinne waere betrach.
Brónne[bewirk | brón bewèrke]
- Duitse rechtsextremisten opgepakt voor plannen aanval parlement. De Limbörger - 7 december 2022
- Reichsbürger planten Putsch in Deutschland. Birgit Baumann, Der Standard - 7 december 2022
Dit artikel besleit aad nuujs en maak deil oet van oos arsjief van nuujsberichte.