Raod van Europa: mie aandach veur Limburgse taal

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel sjteit gesjreve in 't AGL.

De Raod van Europa reup de Nederlandse regering op veur 't Limburgs en anger sjtreektale sjtructureel mie aandach te gaeve.

't Limburgs mót zjuus wie 't Nedersaksisch mie aandach kriege in 't óngerwies, vinjt de vraejes- en minserechteorganisatie. Ouch mót mie aandach kómme veur 't Jiddisch en Roma es minderheidstale in Nederlandj.

Handjves
Die tale valle same mit 't Fries volges de Raod allemaol ónger 't Europees Handjves veur Regio- en Minderheidstale. 't Fries weurt in Nederlandj waal es euverheidstaal gebroek, maar 't Limburgs en Nedersaksisch kriege die sjteun neet.

Sjtatus
Veurig jaor woort 't Limburgs waal door minister Kajsa Ollongren erkind es officieel sjtreektaal, maar dizze sjtatus haet nog wienig tasbaar rizzeltate opgelaeverd. De Raod van Europa vinjt det dao mie wirk van gemaak mót weure, ómdet 't Limburgs volges d'n oproop "'n sjterke sociaal positie haet inne provincie, ouch al nump 't aantal sjpraekers van de taal aaf."

Zuug ouch

Riekseuverheid haet Limbörgs erkandj es regionaal spraok

Brónne

Raad van Europa: meer aandacht voor Limburgse taal. Arthur Hubers - 1limburg, 23 september 2019

Dit artikel besleit aad nuujs en maak deil oet van oos arsjief van nuujsberichte.