RIVM: 1002 Limburgers mèt corona in 't krankehoes, aantal besjmettinge sjtieg mèt 142
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
't Aantal Limburgers det vanwaege besjmetting mèt 't coronavirus in 't krankehoes ligk of haet gelaege, is zóndig gesjtege nao 1002. Det is 'n toenaam mèt 56 ten opzichte van zaoterdig. Det meldt 't Rijksinstituut voor Volksgezondheid en Milieu (RIVM) innen update van zóndigmiddig.
't Aantal Limburgers bie waem besjmetting mèt 't coronavirus is vasgesjteld gewaore, is gesjtege nao 1904. Det kump naer op 'n toenaam mèt 142 ten opzichte vanne mèldinge die zaoterdig binne waore gekómme, bliek oete RIVM-ciefers. De Limburgse GGD's hantere euveriges e hoeger aantal besjmettinge, van in totaal 1999. Häör ciefers loupe doorgaons get veuroet op die van 't RIVM.
Volges de GGD Limburg-Noord zien in Noord- en Midde-Limburg bis noe in totaal 149 luuj gehiemeld. Det zien elf mier es zaoterdig woort gemeld. Veur Zuud-Limburg woorte zóndig 130 coronadoeje gemeld dore GGD Zuud-Limburg, twelf mier es zaoterdig. 't Totaal aantal gehiemelde kump daomèt oet op 279. Zaoterdig sjtóng 't officieel doejetal in ós pervincie nog op 256.
In Nederlandj zien de aafgeloupe 24 oer 115 luuj gemeld die aan 't coronavirus zien euverleje, meldt 't RIVM. Det zien väöl minder es zaoterdig. In totaal zien in Nederlandj noe 1766 luuj gesjtorve. Ouch 't aantal krankehoesopnames noom aaf. 253 Nederlanders kwame in 't krankehoes terech. Zaoterdig waore det 336.
Later zóndigmiddig woort bekind wie 't op de intensive cares aan toegeit. Zaoterdig sjteeg det aantal mèt 36 nao 1350. Die sjtieging waor minder es 'nen daag ierder, wie 51 luuj oppe intensive care terech kwame. Ernst Kuijpers van 't Landelijk Coördinatiecentrum Patiënten Spreiding haet vertrouwe in de ciefers. "V'r zeen 't aantal opnames de aafgeloupe daag minder flot sjtiege es vorige week, de social distancing liekent te wèrke. 't Is dus hiel belankriek óm noe vol te haje."
't Is zóndig drie weke geleje de de horeca-etablissemente in Nederlandj toe gónge. Saer zeveteen daag is gein bezeuk in verzörgingstehoeze mier meugelik en mörge is 't twie weke geleje det me neet mier same maag kómme. In 't helgetroffe Noord-Braobant gelde al bao veer weke sjtreng maotregele.
't RIVM benaodrök nog ömmer det de luuj die noe gemeld weure neet allemaal 't afgeloupe etmaal zien gehiemeld of in 't krankehoes zien opgenome. 't Geit óm registraties van 't aafgeloupe etmaal. Es de trends op get langeren termien weure bekeke, is te zeen det 't aantal doeje van daag nao daag nog ömmer sjtieg. In de zeve daag bis zaoterdig meldde 't RIVM gemiddeld 144 doeje per etmaal. In de week daoveur goof 't 71 per 24 oer. De sjtieging liekent dus te sjtabilisere.
't Aantal krankehoesopnames loog tösse veurige week zóndig en zaoterdig gemiddeld op 524. 'n Week ierder waor det nog 302 per etmaal. 't Gooj nuuts hiebie is waal det d'n trend óm liekent te buge. Zaoterdig woorte in 24 oer minder krankehoesopnames gemeld es percies 'n week daoveur. Det waor veur 't iers saer de coronacrisis Nederlandj teistert en RIVM de ciefers ederen daag publiceert.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.