PvdA-veurzitter vindj Cohen te weinig zichbaar

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


dinsdig, oktober 4, 2011


MOFERT - PvdA-leier Job Cohen is neet automatisch de liestrèkker bie de volgendje verkeziginge. Det zaet PvdA-veurzitster Lilianne Ploumen dingsdig in de Volkskrant, 'ne daag naodet hèt ónverwachs kènbaar maakdje det hèt in jannewarie zien functie neerlègk. Cohen maakdje ónlanks bekèndj det d'r zien partie weer wiltj aanveure bie de volgendje verkeziginge veur de Twieëdje Kamer. Hae mót waal cóncurrentie kriege van anger kandidaote, aldus Ploumen. Ouch mót Cohen zich de kómmendje tied väöl mieë manifestere in de partie. Ploumen vindj det 's väöl mieër in de partie zit es Cohen d'r noe oethaoltj. Hae mót daorin väöl zichbaarder aanwaezig zeen en d'r 'ne väöl prominentere rol in spele. De PvdA-veurman wuuertj volges hèm noe te väöl mitgesleip in de Haagse dynamiek.

Volges Marleen Barth, fractieveurzitster van de PvdA in de Ieëste Kamer, leidje de oetlaotinge vam Ploumen neet toet 'n discussie euver de positie van Job Cohen. Ich huuer hèm neet zègke det Cohen eweg mót. Waat mich betröf is det ouch gaaroet neet aan de orde. De PvdA haet mer eine politieke leier en det is Job Cohen, aldus Barth dingsdig in 'n reactie. Es partie is de PvdA bao kepót, aldus PvdA-prominentj Bram Peper in 'n reactie. Peper vindj det Ploumen de lèste is die Job Cohen verwiete moog make. Doe bös full-time veurzitter en doe kins dich d'r ömmer mit bemeuje. 't Geit neet good mit de partie. 'n Paar aafdeilinge zeen weer get begós, meh de partie fónctioneertj koum mieër es 'n politieke vereiniging, mèntj de aad-minister. Volges de aaje burgermeister van Rotterdam is 't de taak van de veurzitster óm de partie in laeve te haje. d'r Is mieër oet te haole es det hèt haet gedaon. Peper neump 't vraemp det Ploumen mit zoea groeat gesjrieëf aafsjeid nömp en vindj det hèt baeter drek kan vertrèkke. De Amsterdamse wèthajer Lodewijk Asscher zuut zichzèlf es de ènsigste kandidaot óm hèm op te volge.

Cohen zèlf zaet neet van slaag te zeen door de kritiek. Volges hèm is 't de taak van de partieveurzitter óm kritisch te zeen, es dae 't nuuedig ach. Hae zaet aan de slaag te wille óm de situatie van de PvdA te verbaetere. Of det lök is in zien uig aan anger óm te beoeardeile. Cohen veug toe det se bie kritiek ömmer mós kieke waat d'rvan doug en waat d'r neet aan doug. De PvdA-leier zag de zörg euver de toestandj van de partie te deile. Ouch had d'r gehaop det 's al mieë van de linkse samewirking terèch had gekómme.

Versjeie PvdA-Kamerlede trèkke zich de kritiek van Ploumen aan. Weer mótte mit de PvdA es gehieël helder aan de bak, det deil ich, zag Kamerlid Attje Kuiken. Weer zeen pas tevrijje wen 't kabinèt vèltj en d'r nuuj verkezigingen kómme. Ouch Jetta Klijnsma zag det Ploumen d'r terèch op wies det 'ne partieleier väöl in 't landj mót zeen. Doe bös es partieveurzitster geine hampel waerd es se det neet vinjs. Mer hèt vindj neet det partieleier Job Cohen ónzichbaar is. PvdA-Kamerlid en aad-staotssecretaris Frans Timmermans neumdje 't logisch det 'ne partieveurzitter dae zie vertrèk aankónjig, opmirkinge plaats euver de gank van zake. Hae is 't neet èns mit de kritiek van Ploumen op Cohen. Timmermans neumdje 't ouch logisch det Cohen bie de volgendje verkezigingen weer veur 't partieleiersjap geit. Ploumen haet volges hèm formieël gezeen waal geliek det 't good is, es ouch anger lede zich kandidaot stèlle. Det is good veur 't draagvlak.

Brónne[bewirk | brón bewèrke]



Dit artikel besleit aad nuujs.