Provincie sjteunt woeningboew in Èèsjde-Mergraote mit zès ton
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
De provincie dreug bao 6 ton bie aan woeningboewprojekte in 'n aantal dörper inne gemeinte Èèsjde-Mergraote. Gedupteerde Lia Roefs (PvdA), wèthajer Jos Custers (CDA) en börgemeister Sjraar Cox höbbe dao-euver 'n euvereinkóms geteikend,
In Se-Gietere (Sint-Geertruid), Tebannet (Banholt) en Mergraote waere in totaal ruum 30 sociaal huurwoeninge en tiedelike woeninge veur luuj in noed geboewd. In Groêselt (Gronsveld) waere ónger anger 20 zörgwoeninge en 36 zörgplaatse gerealiseerd oppe lokasie van 'n veurmalige sjoel ane Kampwaeg. In april is al begós mitte wirkzaamheje.
Volges gedeputeerde Lia Roefs weurt mitte boewprojekte neet allein invölling gegaeve ane plaatselike behoofde, mer weurt ouch aandach besjtaejd aan specifieke gróppe wie ajer luuj, wat ouch geld veur 't plan Kampwaeg.
De gemeinte dreug zelf minimaal 783.000 euro bie ane woeningboewprojekte. De totaal investering is óngevier 11,7 miljoen euro.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.