Prins Bernhard sjónj aafspraok mit regieëring

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


dinsdig, oktober 4, 2011


MOFERT - Prins Bernhard haet zich in 1994 tródsdje taengegestèldje aafspraoke mit de regieëring bemeujdj mit de verkoup van Nederlandjse marinefregatte. Det zów blieke oet de goonsdig te versjiene biografie van hujig Eurocommissaresse Neelie Kroes, sjreef 't AD dingsdig. Kroes waas innertied veurzitster van 't Netherlands Marine Consortium. Hèt rieëgeldje ónger mieër 'n óntmoting tösse sjeik Mohammed bin Zayed al-Nahyan en prins Bernhard. Det gespraek zów 'nen ónverwachdje drej genaome höbbe wie Bernhard van de gelaengenheid gebroekmaakdje de vleegtuge van 't noeadliejendje Fokker aan te prieze. Prins Bernhard mós in 1976 nao 'n ómkoupaffaire mit vleegtuugboewer Lockheed van de rieëgering Den Uyl al zien zakelike activiteite stake. Ouch mós d'r stoppe mit zien commissariate, ónger mieë bie Fokker. De sjrievers van Neelie Kroes, Hoe een Rotterdams meisje de machtigste vrouw van Europa werd, journaliste Stan de Jong en Koen Voskuil, cóncludere oet gespraeke mit drek betrókkene en oet vertroewelike documentje det de echgenoeat van prinses Juliana in 1994 echter actief lobbydje veur de verkoup van marinefregatte aan de Vereinigdje Arabische Emiraote (VAE).

't is Neet bekindj of de in 2004 euverlijje Bernhard toestömming aan 't doemaolig kabinet-Kok haet gevraog óm zich in de fregattedeal te minge. De Rieksveurlichtingsdeens (RVD) wil volges 't AD neet op deze vraog ingaon ómdet 't "'n óngerwèrp van historisch óngerzeuk" betröf. De sjeik toeandje euveriges interesse in de vleegtuge. 't Netherlands Marine Consortium besloot volges de gezèt in euverlègk mit 't ministerie van Boetelandjse Zake en Economische Zake det de aandach baeter kós waere gerich op 't fregattedeal. Det zów al ingewikkeldj genóg zeen. Kroes zów zich neet aan daen aafspraok höbbe gehaje ómdet hèt 'n waek later aanvöllendje informatie nao de sjeik sjikdje. Det zów toet woede bie de bedrieve achter 't consortium höbbe geleidj. Doe hèt ziene vröndj en sjemiemiljonair Joop van Caldenborgh nao veure sjoof es nuje tössepersoean, zów det toet mieë verwarring höbbe geleidj. Hiedoor zów hèt zeen óntslage. De bestèlling veur de fregatte waerdje in 1995 door de Arabiere aafgeblaoze.

Brónne[bewirk | brón bewèrke]



Dit artikel besleit aad nuujs.