Politieker oet Roeaj kump Straotsbörg neet oet nao aanslaag
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 12 dieëtsember 2018 - Bie 'nen aanslaag oppe groeate kersmert in Straotsbörg innen Elzas zeen drie luuj doeadgebleven en èllef luuj verlets wore, wovan zeve zwaor. d'n Aanslaag kump oet islam-extremistischen hook; de verdachdjen is Chérif C. oet Straotsbörg gebäörtig, dae 't bloodbad al sjetendj verrichdje. Trótsdet de mert al zwaor beveilig waas, is 't neet gelök 'm te pakken en 't euvel te verkómme. Óngere slechoffers bevinje zich gein Nederlenjers.
Ouch dao in Straotsbörg dewiel 't al zich aafspeeldje waas d'n Europarlementaer Jeroen Lenaers oet Roeaj, dae zeteltj veur 't CDA. Stinsdigs óm aovendj zaat hae in e restaurant inne stad dewiel inne buurt d'n aanslaag woort geplieëg. Hae haw juus 'n biejeinkómme gadj in 't centrum doe 't vuur woort gäöpendj. Via de sociaalmedia volgdje d'r 't nuuts, mer hae móch neet 't restaurant verlaote. Wie d'r 't ómsjrief: "Al steit oppe kop."
De raeje det geinen 't pandj móch verlaote haw te make mit 't fet det me d'n däöjer nag ummer neet haet gepak. Daoveur woort aafgeraoje de straot op te gaon. Tösse de sjötter enne pliesse zów al 'n sjeetpartie zeen gewaes.
Brónne
[bewirk | brón bewèrke]- Europarlementariër uit Stramproy vast in Straatsburg. Randy Beaumont - 1Limburg, 11 dieëtsember 2018
- Drie doden en elf gewonden na schietpartij bij kerstmarkt Straatsburg. De Telegraaf, 11 dieëtsember 2018
- 'Geen Nederlanders onder slachtoffers'. De Telegraaf, 11 dieëtsember 2018
Dit artikel besleit aad nuujs en maak deil oet van oos arsjief van nuujsberichte.