Politieke vlöchteling nao Curaçao waas getuug van kezingsfródde Maduro

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel sjteit gesjreve in 't AGL

23 augustus 2018 - Nao d'n aafloup van de kezinge in Venezuela woerin Maduro haet gewónne, waerde al drek gesjpraoke van aangekochte sjtömme en kezingsfródde. Dit bild weurt noe besjtaetig op Curaçao, woe 'ne gedizzerteerde Venezolaanse sjerzjant van de Nasjenaal Garde politiek asiel haet aangevraog. Hae verklaort zelf getuug te zeen gewaes van geknooj mit de kezingscomputers. Zien anger kollega's die dao ouch bie prezent wore, zeen verdwene of vermaord gewaore. Hae had zien óntsjlaag al ingedeend, mer is oet vreis veur zie laeve mit e buutje nao Curaçao gevlöch. D'n herkaoze Venezolaanse prizzendènt Nicolás Maduro haet 't besjtaon van kezingsfródde altied taengegesjpraoke.

Op Curaçao waerde de aankóms van de sjerzjant iers sjtèl gehawwe. De man is al saer de veurige waek vriedig in 't landj en waerde al daen tied vasgehawwe in 't Centrum veur Detentie en Correctie Curaçao. Nao ónsuksèsvol poeginge óm zie verhaol aan de gevangbewaarders dudelik te make, gebroekde hae de kans óm via e mobielke kentak te zeuke mit de Curaçaosen avvekaot Achim Henriquez. Henriquez haet veur 'm 'n offesjeel aanvraog veur politiek asiel ingedeend. Hae vreis desalneettemin det de autoriteite ziene cliënt zölle oetzètte. Dit zouw ingaon taenge versjèllende minsjerechteverdrage woe Curaçao mer ouch Nederlandj aan gebónje zeen. De Nederlandjse Immigratie- en Naturalisatiedeens (IND) assisteert Curaçao biej de registratie van vlöchtelinge vanoet Venezuela.

Brónne[bewirk | brón bewèrke]

Dit artikel besleit aad nuujs en maak deil oet van oos arsjief van nuujsberichte.