Pliessenhóndj bietj miens dae de kèlle neet van 't vuur wiltj haole

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


'ne Pliessenhóndj.

MOFERT - 9 junie 2020 - De pliessen höbbe maondigtenaovendj óm 20:40 oere 'ne beweuner van e pandj ane Annadaelstraot in Zitterd in 't eigen hoes mótten euvermeistere mit 'nen pliessenhóndj.

De pliesse wore dao aafgekómme veur 'n brandjmeljing, meh de beweuner wól geine binnelaote. Hierop broke de pliesse zich 'ne waeg 't hoes in, meh daobinne krege die zwaor verzat vanne beweuner. Mit pepperspray perbeerdje ze dem ónger kóntraol te krege, meh det baatdje nieks. Oetintjelik krege ze dem tonna mitte pliessenhóndj toet roew. Hiebie leep t'r waal lichte verwunjingen op en mós t'r nao 't krankegestich gebrach waere.

Vörsjing wees oet det de beweuner e penken of e kèlkes te lang op 't vuur haw staon wodoor duchtig get rouk zich óntwikkeldje. De pliessen höbben aangegaeve det de manskaerel te kampen haet mit geiselike klachte.

Brónne[bewirk | brón bewèrke]



Dit artikel besleit aad nuujs.