Pliesse Genp verhoeze meugelikerwies nao Braobantj

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 26 junie 2018 - De pliessen in Genp óngerzeuken 'n samewirking mit die van 't Braobantjs Ude.

Moog die samewirking vanne gróndj kómme, den verhoes 't pliesseburo van Genp nao Oeffeltj, kort euvere Maas bie Genp ane Braobantjse kantj vanne reveer. Veure gemèndje is allein Oeffelt bespraekbaar es Braobantjsen heimhave, ómdet anger plaatsen inne pliesseregio te wied eweg ligke.

Ieëre woort bekandj det de pliesse van plan zeen 't buro in Genp te sloete. Daorop völgdje e protès; driehóngerd inweuners van Genp teikendjen 'n petiesje veur 't pliesseburo te behaje. Smaondigs saoves woort 'n infermaasjeaovendj gehaje, worin de pliesse de plannen oetluchdje. Inkel tieëntaal aan inweuners wore dao.

Moog de samewirking mit Ude neet slage, den blief 'n pliessepos in Genp blieve. "Meh den waal in 'n anger pandj. In 't kader vanne bezunigingen höbbe de pliessen es lenjelik beleid häör eige panjer te verkoupen en 'n lokaasje te hure", luch börgermeister Peter de Koning van Genp oet.

Hae vindj 't wichtig det de pliesse zichbaar blieven in zien gemèndje. "Ivventueel kan in 't gemèndjehoes 'n pos waeren ingerich. En boetedet zóllen agente waeren oetgerös mit 'nen tablet veur bie luuj heim aangifte te kónnen opnumme."

Brón[bewirk | brón bewèrke]



Dit artikel besleit aad nuujs.