Plexiglaas lestig te kriege door toenaam vraog sieër coronacrisis

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 1 mei 2020 - 't Wuuert lestiger aan plexiglaas te kómme. Dore coronacrisis is de vraog veur plexiglazere sjeijingswenj hieël erg toegenómme. Dees vraog kump oete horeca, kapperszake, verplieëghoezer, taxi's en busse, mer ouch 't gerich en sjoeale. Mit 't plexiglaas wiltj me mitwirkers en klantjen aafzunjeren en zoea besjurme.

Dao waas spraok van 'n fórste toenaam vanne vraog wie veur inkel waeke trögk woort gehintj dore minister-prizzendènt Rutte det kappers- en sjoeanheidszake mesjiens flót trögk aop kóste. Hiedoor is noe bie leveranceers bao nieks mieë te kriege. Allewel 't noe get röstiger is meine sectorbedriever waal det 't trögk drökker wuuert. Es dalik wuuert gezag det bedriever aop moge zal de toenaam nag fórser zeen. Hieveur boewe bedriever de veurraod wiejer op, veur zowied det geit. De producenten oet Duutsjlandj en Spaanje maken ouch veur häör eige lenjer, wo de vraog ouch hieël groeat is.

Veur noe zal de rareteit blieve. De febriekken höbbe waal de perduksje opgeveurdj, mer ieër zat is zal nag zès waeke ware. Ieës gólj plexiglaas namelik mer es e bieperduk. Veuren tössentied ruuedj me sjeijingswenj van gewuuen glaas te make. Glaas is namelik mekkeliker in 't óngerhaad, hèltj langer en is boetedet zoea 40 perzent baeterkoup. E naodeil is waal det 't minder bewirkbaar is en neet op te hange.

Brónne[bewirk | brón bewèrke]



Dit artikel besleit aad nuujs.