Pieëlbrand groeëtste neteurbrand oeëts in Nederland
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Venlo - 22 april 2020, De brand in de Deurnese Pieël is de groeëtste neteurbrand oeëts in Nederland. 't Is noow nog lestig um de exacte aafmaetinge aan te gaeve. Det luuët de gemeinte Deurne woonsdaagmiddaag weite. Door de groeëte veenbrand in de Deurnese Pieël zien al 400 hektaar aafgebrand, meldde d'n brandwaer ierder woonsdaag.
De veer Chinook-helikopters die de aafgeloupe daag blöswerkzaamhede oetveurde in de Deurnese Pieël, zien nao de Mienwaeg vertrokke. Zeej begóste dao woonsdaagmiddaag um 16.00 oor mit 't blösse van de groeëten bós- en heibrand in 't nationaal park beej Herkebós.
Volges de gemeinte Deurne waere de Chinooks noow baove Midde-Limburg ingezat, umdet de noeëd dao hoeëger is. Ierder zag d'n brandwaer in de Pieël zjuus aafhankelik te zien van de Chinook-blöshelikopters, umdet 't veen gebied naogenóg óntoegankelik is en brandwaerwagels neet doeënbeej de brandhaerde kinne kómme.
Naodet dinsdaag al vieftig woeëninge in Griendsveen woorte geëvacueerd, mótte nog ens zo'n twintig hoeshaldes in Helenaveen raekening halde mit de óntruming van eur woeëninge. D'n brandwaer probeert 't veur mit stopliene neet vaer van de woeëninge tot stand te bringe. Stopliene zien plaatse wao d'n brandwaer oet alle mach probeert de oetbreijing van de veurzieë taege te gaon. Es det aevel neet lök, dan mótte de twintig gezinne eur hoezer esnog oet, zag 'n waordveurster van d'n brandwaer. "Noow de blöshelikopters in Limburg waere ingezat, waere in Deurne extra brandwaerwagels ingezat um d'n brand taege te halde beej de stoplien", aldus de gemeinte Deurne.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.