Pestoear Paul Pisters (Mofert) geit mit emiraat

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De pasterie van Mofert.
De Hèlge-Ketrienkirk van Mofert.

MOFERT - 28 dieëtsember 2018 - De pestoear vanne Hèlge-Ketrienprochie van Mofert haet zien ieërvol óntslaag gekrege. Tiejes de kersaovendjnachmis haet de viefentachentigjäörige pestoear inne prochiekirk bestaetig det t'r mit emiraat geit.

De karjaer van Pisters is hieël lang; zoea wirkdje d'r veur achenvieftig jaor es preester in 't bisdóm van Remunj. Zien karjaer begós es keplaon inne prochieje vanne Boesj en Broensem; dao zaat t'r veure Slevrouw Ónbevlek Óntvange betrèkkelik d'n Hèlge Gregorius de Groeate. Later woort t'r de pestoear vanne Hèlge-Ketrienprochie van Mofert, wo d'r veur einenvieërtig jaor haet gewirk.

Pisters haet aangegaeve det hae es emeriet zien geiselike deensten inne Moferter próchie zal blieven aanbeje, trótsdet hae zien óntslaag haet. Zien bestuurlike take zólle waeren euvergenómme dore veurzitter van 't Roerstreekprochiekluster, Jos L'Ortye. Dae is al saer 2014 aktief es pestoear veur Berg ane Roer, Mieëlik, Hirkebósj en Postert.

Brónne[bewirk | brón bewèrke]



Dit artikel besleit aad nuujs.