Pervinsje maak zich zörg óm kóms litterzètterskaever
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 14 november 2019 - Inne pervinsje maak me zich zörg euvere kóms vanne litterzètterskaever. De CDA-fraksje haet zelfs vraoge gestaldj in 't parlemènt hie-euver. Saeren druuege zomer van 2018 is 't verspreijingsgebied vanne litterzètter good oetgedietj, wobie 't bieësjke zich rich op ajer, verzwaakdje sparrebuim. 't Klein broensig kaeverke haet in Nederlandj al zoea 12.500 hektaar aan fiensparbós kepótgemaak.
't Bieësjke vritj zich 'ne waeg dore sjors vanne boum; hiebie geit 't zowied det oetèntjelik gei water mieë kan waere verveurdj dore boum haer, wodoor de buim aafstörf. Aangezeen de kaever onna zich hieël erg veurplantj, hèltj det döks 't inj van 'ne ganse bós in.
In 't boetelandj haet de litterzètter al väöl sjaaj aangebrach. Mit naam in Zwede, Kanada en Pruses zeen väöl bóseigenieëre gedupeteerdj wore. De naam dank 't bieësjke troewes ane littervörmige vraatspäör.
't CDA wiltj det wuuert oetgezóch wieväöl sjaaj de litterzètter al haet aangerich inne Limbörgse bus. Ouch wille zie weiten of maotregele kónne waere genómme veur ivventueel toekumstige sjaaj in te pirke. Es litste is 't nag de vraog of 't dao-zeen vanne litterzètterskaever invlood haet op 't boumpaotplan: de pervinsje wól namelik toet en mit 2027 ei miljoen buim paote.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.