Partietoep SP wól aaf van gedippeteerdje Daan Prevoo

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 28 april 2018 - De partietoep vanne SP wól aaf vanne gedippeteerdje Daan Prevoo.

Det zaet 't opgestapdje Staotelid Edwin Bus. Aldus 'm twieveldje SP-prominentjen ane keuze die dore gedippeteerdje woorte gemaak.

Dees verdoerendje twievelen enne discussie hie-euver wore de raeje veur 't opstappe van gans biejein vief Staotelejen en SP-gedippeteerdje Daan Prevoo. Zie maakdje sfriedigs bekandj mit eweg te gaon.

"Dore verdoerendje twievele höbbe v'r gezag det v'r nimmieë d'rbie wólle huuere", vertèltj d'n opgestapdje Edwin Bus. Hae geit es einemansfraksje wiejer inne Pervinsjaal Staote. De anger veer gaeven häör plaatse trögk.

De kritiek vanne partietoep góng euver 'n interview mitte gedippeteerdje Daan Prevoo inne Limbörgse gezètten euver gaswirkers en euver zien opstèlling in 't verhaol euver e windjmeulepark in Nlieërik. Det woort inne gemèndjeraod van Vinlo eweggestump, mer 't pervinsjebestuur mit Prevoo veurop wiltj toch 't doorzètte.

Aldussen opgestapdje Bus kreeg de staotefraksje 'nen dudeliken en dringendje raod. "Daan Prevoo mós verzwinjen en det waas de ènsigste leuzing", aldus Bus. "'t Woort 'ne stried tösse luuj die próntj de lien vanne partie wólle völgen enne luuj oete fraksje die ouch ko-alliesjeverantjwuuerdelikheid dreug."

Prevoo en vief Staoteleje die solidair aan 'm zeen stapdje dus op. Of ouch de anger SP-gedippeteerdje Marleen van Riensberge vertrèk is nag óndudelik. Het haet nanneet reageerdj oppe óntwikkelinge.

De ko-alliesjepartiejen inne Pervinsjaal Staote kalle kómmendje maondig euvere óntstange situaasje. De ko-alliesje besteit naeve de SP oet CDA, VVD, PvdA en D66. Zóngere SP haet de ko-alliesje nammer 'n klein mieëderheid in 't Limbörgs Parlement.



Dit artikel besleit aad nuujs.