Oppernuuj Limbörgse versterking veur staasjegeldjaljaos
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 7 fibberwarie 2018 - De staasjegeldjaljaos die pleitj veure oetbreijing van 't staasjegeldjstèlsel in Nederlandj en Belsj haet weer twieë Limbörgse deilnummers d'rbie.
De gemèndje Leudaal en Stifting Pieterpaad höbbe zich namelik aangeslaote bie 't kollektief, zoea meldj de staasjegeldjaljaos oppe webpaasj.
De aljaos tèltj intösse 216 deilnummers. 't Geit euver gemèndje, kónsumentorganisaasje, aafvalbedriever, miljeuorganisaasje, vróljebewaegingen en anger bedrieve. Die make zich sterk veure inzameling van petflessen en bleekskes. Jäörliks belandj in Nederlandj nao sjatting 50 toet 100 miljoen plestiekke fleskes en 100 toet 160 miljoen bleekskes oppe straot of innen drekbak.
Ieëre voegdje ónger anger de gemèndje Wieërt, Mestreech en Vinlo zich bieje staasjegeldjaljaos. Wieërt waas de ieëste Nederlandjse gemèndje die zich sterk maakdje veur 't innesjatief det inne aafgeloupe maondj dus explosief is gegreudj. Ouch versjillige Limbörgse bedriever, organisaasjen en stiftinge slote zich daonao aan.
De Twieëdje Kamer vergaartj op 15 mieërt euver 't staasjegeldj.